استقبال العيادات على واتساب
أكتر تلات أسئلة بتوصل عيادة على واتساب: الكشف بكام؟، الدكتور موجود إمتى؟، والعنوان فين؟. دي إجابات موجودة عندك ومتغيّرتش — وموظّف الاستقبال بيقضّي فيها نصّ يومه.
إيه اللي بتعمله في العيادة
- بترد على سعر الكشف والخدمات من كتالوجك إنت — ومفيش رقم بيخرج مش موجود فيه.
- بتحجز كشف من مواعيدك اللي ضبطتها، وبتمنع الحجز المزدوج على نفس الخانة.
- بتاخد بيانات المريض اللي إنت حدّدتها: الاسم، السن، الشكوى العامّة، والمعاد المفضّل.
- بتحوّل لحضرتك أيّ سؤال طبّي أو حالة مش واضحة، وبيوصلك تنبيه.
- بتفهم الرسايل الصوتية وبتفرّغها بالمصري — من غير ما تاخد منها قرار.
الحدود — وده الجزء اللي بنكتبه بالخطّ العريض
| الحالة | بيحصل إيه |
|---|---|
| سؤال طبّي أو طلب تشخيص | مفيش رأي. تحويل لحضرتك. |
| كلام فيه إشارة طوارئ | ردّ ثابت من الكود قبل أيّ نداء موديل، وتصعيد فوري. |
| خدمة مش في الكتالوج | «غير متاح» — مش سعر مقارب. |
| طلب حجز في معاد مش معروض | بيترفض. الحجز على المعروض بس. |
| حاجة برّه نشاط العيادة | بترفض بأدب وبتحوّل. |
القاعدة اللي شغّالين بيها: العيادة نشاط مسؤولية، مش نشاط مبيعات. فالتصميم كله بيميل ناحية «أسأل أو حوّل» بدل «خمّن».
إيه اللي بنحتاجه من العيادة عشان نبدأ
- رقم واتساب للعيادة.
- الخدمات وأسعارها مكتوبة (كشف · استشارة · متابعة … ).
- مواعيد الشغل وطول الجلسة.
- الحقول اللي عايز تعرفها من المريض قبل الحجز.
- الحاجات اللي ممنوع تتقال، ومتى الموضوع يتحوّل لك فورًا.
أسئلة وأجوبة للعيادات
دليلة بتشخّص أو بتدّي نصيحة طبّية؟
لأ، إطلاقًا. شغلها الاستقبال: بتجاوب على الأسعار والمواعيد والمكان، وبتاخد بيانات الحجز، وبتحوّل أيّ حاجة طبّية لحضرتك. وممنوع عليها تدّي رأي في حالة.
لو حدّ كتب حالة طوارئ؟
فيه ردّ ثابت مكتوب في الكود بيخرج قبل ما يتنادى أيّ موديل أصلًا، وبيتصعّد فورًا. يعني الحالة دي مش متروكة لتقدير الذكاء الاصطناعي.
لو المريض بعت رسالة صوتية بيشرح فيها شكواه؟
بتتفرّغ ودليلة بترد على السؤال العام، بس ممنوع ياخد منها أيّ فعل — الحجز أو تسجيل البيانات لازم يتكتب ويتأكّد كتابةً.
سعر الكشف بيتقال منين؟
من كتالوجك إنت. ولو الخدمة مش مكتوبة عندك، بتقول «غير متاح» وبتحوّل — مش بتقرّب.
العيادة عندها أكتر من دكتور بمواعيد مختلفة؟
المواعيد بتتضبط في اللوحة، والحجز بيتمّ على المتاح منها. وحجزين على نفس الخانة في نفس اللحظة ⇒ واحد بس بينجح.